Landsmøte-spesial: Mykje Raudt og litt KrF
Morten brukte ungdomstida i Framstegspartiets Ungdom. Denne helga var han på sitt første Raudt-landsmøte. Me tar òg ein kort tur innom Hamar, der KrF tok eit lite retningsval i kampvoteringa om nestleiarvervet. Produsent: Henrik Svanevik
24 Apr 202322min
Pepsi max-krise, «Havbyen» og ein narsissistisk, dialektarrogant egotrip
Streiken held fram, og butikkhyllene går tomme for Pepsi max. Hamstrejournalistikken får mykje tyn, men den har også noko for seg. Her i vest handlar det om havet denne veka, men er eigentleg «Havbyen Bergen» meir enn et kult merkenamn og ein reklamefilm? Og så er det tid for å plukke frå kvarandre dialektdebatten til NRK-gubbane. Produsent: Henrik Svanevik
20 Apr 202346min
Streikespesial: Me tok feil
Kommentatorar og ekspertar gjekk langt i å avfeie det, men no er ein historisk streik eit faktum. Korleis enda me her? Partane er djupt ueinige om tilbodet som låg på bordet, så Gerd Tjeldflåt har henta inn sin kollega Hans Mjelva til å forklare konflikta og korleis dette rammar oss. Produsent: Henrik Svanevik
17 Apr 202316min
Streikefare og gledestårer
Måndag morgon kan me vakne opp til streik. Me snakkar om årets lønnsoppgjer, kvifor det er ekstra vanskeleg, og korleis sjølv eit godt oppgjer kan gi oss mindre å rutte med. Jonas Gahr Støre og Trygve Slagsvold Vedum er blitt så upopulære at ein kommune ber dei halde seg unna i valkampen. Og på laurdag kjem sjølvaste Statsraad Lehmkuhl heim til Bergen. Det fører til ein svært sterk og uventa reaksjon i studio. Produsent: Henrik Svanevik
13 Apr 202337min
Påskereise: Fasit og vinnar
Me avslører alle våre ti stoppestader på påskereisa, og den heldige vinnaren av vår eksklusive «Nokon må gå»-kopp. Produsent: Henrik Svanevik
12 Apr 20239min
Bli med på påskereise
«Nokon må gå» dreg på rundtur i Noregs land. Skjønnar du kor me stoppar? Send oss dine svar og bli med i trekninga av ein eksklusiv NMG-kopp! Produsent: Henrik Svanevik
5 Apr 202316min
Here we go again
Lakseskatt er vekas store sak, og «Nokon må gå»-gjengen gir deg det du treng for å henge med i samtalen. Som ein bonus får du også ei grundig analyse av Støres kunstpausar og sukk. Men også Bybanen er på veg tilbake i nyheitsbiletet. Og det ligg nokre hindringar i denne skinnegangen, som kan få valkampen til å spore av. Til slutt tar me ein ny prat om Fisketorget. Produsent: Henrik Svanevik
30 Mar 202336min
Landsmøte-spesial: Har Høgre sjel?
Ei helg på Gardermoen med Høgre har fått Gerd til å tenke og stille store eksistensielle spørsmål. For etter eit landsmøte med lite politikk, mykje Erna Solberg, tacobuffet og coverband som spelar Postgirobygget, er det nødvendig å spørje: Kva er Høgres sjel? Finst den? Og må dei kanskje vere sjellause for å bli Norges neste folkeparti? Produsent Henrik Svanevik
27 Mar 202316min
